Qazaqstannyń Meksıkadaǵy elshiliginde Astana qalasynyń 20 jyldyq mereıtoıyna oraılastyrylǵan resmı qabyldaý ótkizildi.
Is-sharaǵa Meksıkanyń memlekettik organdary, bıznes toptary, mádenıet qaıratkerleri, saıası ısteblıshmenti jáne qazaq dıasporasynyń 200-den astam ókilderi qatysty.
Qazaqstannyń Elshisi Andrıan Elemesov alǵy sózinde qatysýshylardy jas Astananyń qalyptasýynyń eleýli kezeńderimen, jahandyq saıasattaǵy óskeleń rólimen, kópshilikpen tanylǵan halyqaralyq kún tártibiniń saıası jáne ekonomıkalyq máseleler boıynsha kelissózder alańynyń jetistikterimen tanystyryp shyqty.
Sonymen qatar qonaqtar Qazaqstannyń jetistikteri men damý perspektıvalary, jaǵymdy ınvestısııalyq saıasaty, strategııalyq baǵdarlamalary men halyqaralyq bastamalarynyń negizgi baǵyttarymen tanysty.
Syrtqy ister mınıstrligi departamentiniń bas dırektory Horhe Alvares Fýentes Meksıkanyń syrtqy saıası vedomstvo basshysynyń atynan quttyqtaý hatty oqyp, Qazaqstannyń aımaqtyq lıderi retindegi óskeleń áleýetin, halyqaralyq sahnadaǵy medıator rólin jáne tabysty ekonomıkalyq ózgeristerin erekshe atap ótti.
Sonymen qatar qonaqtardyń nazaryna Astana týraly arnaıy fılm jáne qazaqtyń ulttyq taǵamdary usynyldy.